Die Welt. Մակրոնի օրերը հաշված են

Ուկրաինայի աջակցությունը կարող է նվազել հաջորդ տարի Եվրոպայում կայանալիք ընտրություններից հետո, գրում է Die Welt-ը։

Եվրոպային սպասվում է «սուպերընտրական տարի». Ֆրանսիայից և Լեհաստանից բացի, ընտրություններ կանցկացվեն նաև Իտալիայում և Իսպանիայում, և այս երկրներում պաշտպանության ծախսերի ավելացումը արդեն հակադրվում է սոցիալական քաղաքականությանը։ Մեծ Բրիտանիայի վարչապետ Սթարմերը նույնպես հրաժարական է տվել։

«Վտանգն այն է, որ այս ամենը տեղի է ունենում այն ​​ժամանակ, երբ Ուկրաինան հատկապես շտապ կարիք ունի Եվրոպայի շարունակական ռազմավարական աջակցության։ Առաջիկա ամիսները վճռորոշ կլինեն Կիևի համար, ինչպես նաև նրա դաշնակիցների կողմից ձմռան սկսվելուց առաջ կայացվող որոշումները», - նշվում է հոդվածում։

Հրապարակումը կոչ է անում մինչև այս տարվա վերջ ստեղծել Ուկրաինային երկարաժամկետ աջակցության կառույցներ՝ մինչև Ֆրանսիայում և այլուր ընտրարշավները սահմանափակեն գործողությունների շրջանակը։

Հոդվածում նշվում է, որ «Մակրոնի օրերը հաշված են», և Մարին Լե Պենը ամրապնդում է իր դիրքերը հարցումներում՝ 2027 թվականի ապրիլին կայանալիք ընտրություններից առաջ։ Die Welt-ը կասկածում է, որ Գերմանիայի կանցլեր Մերցը կկարողանա համախմբել շարքերը և մոբիլիզացնել եվրոպացի դաշնակիցներին Մակրոնի և Սթարմերի հեռանալուց հետո։