Կանադան արգելել է այն օտարերկրացիների մուտքը երկիր, ովքեր վերջերս եղել են Կոնգոյում

Կանադայի կառավարությունը հայտարարել է՝  մերժելու է ցանկացած օտարերկրացու մուտք երկիր, ով վերջին 21 օրերի ընթացքում եղել է Կոնգոյում։ Այս միջոցառումը կիրառվում է որպես Էբոլայի տարածման դեմ պայքարի մաս։ Այս մասին հայտնում է Reuters-ը։

Արգելքը հակասում է Առողջապահության համաշխարհային կազմակերպության որոշմանը, որը խորհուրդ է տալիս չճամփորդել կամ առեւտրի հետ սահմանափակումներ մտցնել Կոնգոյի հետ, որտեղ պաշտոնյաները ներկայումս պայքարում են Էբոլայի մեծ համաճարակը կանխելու համար։

Էբոլան հիմնականում տարածվում է հիվանդությամբ վարակված մարդու մարմնի հեղուկների հետ անմիջական շփման միջոցով։ Հուլիսի 15-ի դրությամբ Կոնգոյում գրանցվել է Էբոլայի ավելի քան 2100 դեպք, այդ թվում՝ 828 մահ։

 Հայտարարության մեջ Կանադայի Առողջապահության գործակալությունը նշել է, որ նախորդ 21 օրերի ընթացքում Կոնգոյում եղած օտարերկրացիների մուտքը սահմանափակելը կարող է նվազեցնել կանադացիների հանրային առողջության ռիսկերը։

Միջոցառումներն ուժի մեջ են մտնում այսօր՝ ասվում է Կանադայի հանրային առողջապահության գործակալության հայտարարության մեջ։ Կանադան նախկինում դադարեցրել էր Կոնգոյի, Ուգանդայի եւ Հարավային Սուդանի բնակիչների ներգաղթի ։

Անցած շաբաթ ԱՄՆ-ը միջոցներ էր ձեռնարկել, որոնք թույլ չտվեցին ամերիկացիներին, ովքեր նախորդ 21 օրերի ընթացքում եղել էին Կոնգոյում, կոմերցիոն ավիացիայի միջոցով մուտք գործել ԱՄՆ։ Յոթ ամերիկացի բժիշկներ, որոնք աշխատում էին Կոնգոյում համաճարակը կանգնեցնելու համար, ներկայումս կարանտինի մեջ են Քենիայի  հաստատություններից մեկում։

Հիվանդությունների կանխարգելման եւ վերահսկման եվրոպական կենտրոնը խորհուրդ է տվել չարգելել Կոնգոյից եկած մարդկանց ճանապարհորդությունը՝ ասելով, որ դրանք կարող են խափանել մարդասիրական օգնությունը եւ սահմանափակ արդյունավետություն ունենալ։