Ամենից շատ կարդացված նյութեր
.png "Պարեկային ծառայության գլխավոր վարչության դռներն ու դարպասները փակել են պատգամավորի առաջ")
Պարեկային ծառայության գլխավոր վարչության դռներն ու դարպասները փակել են պատգամավորի առաջ
ԱԺ պատգամավոր Գառնիկ Դանիելյանն այս պահին գտնվում է ՆԳՆ Ոստիկանության պարեկային ծառայության գլխավոր վարչության դիմաց։ Վերջինս ցանկանում է տեղեկանալ, թե ինչու բաց չեն թողնում երկու օր առաջ պարեկային ծառայության տուգանային հրապարակ տեղափոխված Սահմվել Կարապետյանի հարազատների մեքենաները։
Պարեկային ծառայության դռները և դարպասները փակ են և չեն արձագանքում պատգամավորի և իր մեքենաների հետևից եկած քաղաքացիներին։
Քաղաքացին զանգահարեց նաև ՀՀ ՄԻՊ գրասենյակ, հայտնելով, որ իր իրավունքները ոտնահարվում են, մեքենան տարել են տուգանային հրապարակ և դռները չեն բացում, որպեսզի պարզաբանում տան մեքենաների ճակատագրի վերաբերյալ։
Պատգամավոր Գառնիկ Դանիելյանը զանգահարում է Պարեկային ծառայության պետ Արթուր Խուդինյանին, որը չի պատասխանում հեռախոսազանգերին։
«Երևի Նիկոլ Փաշինյանը հերթական SMS-ն է ուղարկել, որ Պարեկային ծառայության դռները չբացեն»,- ասաց Գառնիկ Դանիելյանը։
Պարեկային ծառայության գլխավոր վարչության դռները փակ են նաև պարեկների ծառայողական մեքենաների համար, որոնք մոտենում են դարպասին, և այն չբացվելուց հետո մի քանի րոպեից հեռանում են։
Studio One