Թուրքիայում մոտորանավակը մահվան ելքով հարվածել է ծովում լողացող ռուսաստանցի կին զբոսաշրջիկին

Թուրքական Habertürk թերթի փոխանցմամբ՝  Անթալիայում մոտորանավակը վրաերթի է ենթարկել ռուս զբոսաշրջիկին։

Դեպքը տեղի է ունեցել ռուսների շրջանում հայտնի Քեմեր հանգստավայրում, երբ 42-ամյա Լինարիա Մուզիպովան լողացել է սահմանազատող լողակներից այն կողմ։ Այդ պահին տարածքում մոտորանավ է եղել, որը զբոսաշրջիկներին առաջարկել է ծովի վրայով պարաշյուտային զբոսանքներ։ Մոտորանավակը մեծ արագությամբ վրաերթի է ենթարկել կնոջը։ Ականատեսները արագորեն կանչել են շտապօգնության, սակայն զբոսաշրջիկին փրկել չի հաջողվել։

Հեռուստաալիքի տվյալներով՝ նավի հրամանատարը և սեփականատերերը ձերբակալվել են։ Տարածքում ծովի մի հատված փակվել է մինչև հետաքննության սկսվելը։ Լուրը հայտնում է «Գազետո ռու»-ն։