Վաղարշապատի ընտրությանը մասնակցող երկու ուժ են բոլորից շատ պաստառների մասով խախտումներ արել. Արամ Պետրոսյան

«Վաղարշապատում ամենատարծված խախտումները պաստառներն են, որոնք թե՛ Էջմիածին քաղաքում, թե՛ հարակից բնակավայրերում համատարած բնույթ են կրում»,- հրավիրված ասուլիսում հայտնեց «ՀայաՔվե» հասարակական նախաձեռնության անդամ  Արամ Պետրոսյանը։

Նա նշեց, որ դրանք այնպիսի արգելված վայրերում էր փակցվում, որոնք ակնհայտ է, որ չպետք է փաքցվեր։

«Փակցվում են, ոչ միայն չնախատեսված վայերում, այլև մրցակիցների միջև փոխադարձ հարգանքն է բացակայում։ Ունենք դեպքեր, երբ մրցակից թիմի պաստառներն են վնասում, կամ ոչնչացնում են ու վրան իրենցը փակցնում»,-ասաց Պետրոսյանը և նշեց, որ արձանագրել ենք, որ Ճանապարհային երթևեկության տարբերանշանների վրա էլ են փակցրել քարոզչական պաստառներ՝ ցուցադրելով լուսանկարները։

 «ՀայաՔվե»-ի ներկայացուցիչը նշեց, որ արձանագրել են դեպք երբ աշխատանքի ժամանակ համայնքապետարանին պատկանող ավտոմեքենայով նույն հիմնարկի աշխատակիցները փակցրել են համայնքի ղեկավարի պաշտոնակատարի նախընտարական պաստառը և ոչ՝ նախատեսված վայրերում

 «Մինչդեռ համանքի ղեկավարի պաշտոնակատարը ինքը պետք է պայքարեր, այդ վայրերում չփակցնելու համար, մինչդեռ՝ բազմաբնակարան շենքի պատին են փակցրել».- ասաց Պետրոսյանը և հավելեց.

 «Ունենք խախտման դեպքեր,երբ իրավապահ, ուժային մարմինները շատ անհամաչափ են գործում։ Մասնավորապես ունենք դեպք, երբ հանձնաժողովի նախահան իր տանը նստած օգնություն է բաժանում, որն օրենքով արգելված է և այս պահին ունի տնային կալանք»,-ասաց Պետրոյանը և, նկատելով, որ վերջինիս նկատմամբ իրավապահները ֆիզիկական ուժ չեն կիրառել, հավելեց. «Իսկ «Մայր Հայաստան» դաշինքի  շտաբի դիմաց հայտնի բլոգերի նկատմամբ ֆիզիկական ուժ են կիրառել և բերման են ենթարկում, այն դեպքում երբ վերջինս դիմադրություն ցույց չի տվել»։

Նրա խոսքով՝ ընտրությանը մասնակցող երկու ուժ են բոլորից շատ պաստառների մասով խախտումներ արել՝ «Հաղթանակ» կուսակցությունների դաշինքը և ՔՊ կուսակցության թեկնածուները։

Պետրոսյանը հայտնեց, որ Ֆինանսական հաշվետվությունը չի ներկայացվել, բայց ակնհայտ է, որ անհամապատասխանություն է լինելու, քանի որ միայն դիտարկվող 5 տասնյակ մեծ  պաստառների վրա ծախսված գումարներն ահռելի մեծ են։

Որպես խախտման օրինակ բերվեց նաև Խոյ համայնքի ղեկավարի պաշտոնակատարիտոնախմբություն անցկացնելը, որի ժամանակ մեծ նյութական արժեք ունեցող նվերներ է բաժանվել։

Պետրոսյանը նաև նշեց, որ Էջմիածնի համայնքապետի ժամանակավոր պաշտոնակատարն աշխատանքից ազատել է «Հաղթանակ»դաշինքի առաջին համարի ազգականին։

Նշվեց նաև, որ Գյումրու ընտրության նման, Վաղարշապատում էլ «Սիվիկ» լրատվության միջոցը մասնավոր սոցիոլոգիական ուսումնասիրությունների արդյունքներ է հրապարակում և ուղղորդում ընտրողներին,այն դեպքում, երբ նման գործողությունն արգելված է։

Նա նաև տեղեկարցե, որ ՀՀ քաղաքացիություն չունեցող արցախցիները որոնք 1 տարի ապրել են Վաղարշապատ համայնքում կարող են մասնակցել ընտրության և եթե իրենց անունները չկան ընտրացուցակներում կարող են այսօր և վաղն ավելացնել։