Լուվրի թանգարանի աշխատակիցներն անժամկետ գործադուլ են սկսել

Փարիզի Լուվրի թանգարանը երկուշաբթի օրը չի բացվել մշակութային հաստատության աշխատակիցների կողմից հայտարարված անժամկետ գործադուլի պատճառով։ Այդ մասին հաղորդել է Agence France-Presse-ը։

Դեկտեմբերի 10-ին BFMTV-ն հաղորդել է, որ թանգարանը, ամենայն հավանականությամբ, կարող է երկուշաբթի օրը փակել իր դռները այցելուների համար՝ աշխատակիցների գործադուլից հետո։

Նախկինում Ֆրանսիայի երեք արհմիություններ, այդ թվում՝ առաջատարը՝ Աշխատանքի ընդհանուր կոնֆեդերացիան (CGT), կոչ էին արել Լուվրի աշխատակիցներին անժամկետ գործադուլ սկսել դեկտեմբերի 15-ից։ Նրանք դժգոհ են աշխատանքային պայմանների վատթարացումից և ռեսուրսների պակասից։

AFP-ի տվյալներով՝ գործադուլին այս պահին մասնակցում է 400 մարդ։

Նոյեմբերին Լուվրը մի շարք վթարների է բախվել ներքին կառուցվածքների և ջրատար խողովակների վատ վիճակի պատճառով։ Ամսվա կեսին թանգարանը հայտարարեց այցելուների համար իր պատկերասրահներից մեկի փակման մասին՝ առաստաղների փխրունության պատճառով։ Ավելին, նոյեմբերի վերջին Լուվրի գրադարանը ողողվել է կեղտաջրով՝ հին խողովակների արտահոսքի պատճառով, որի հետևանքով վնասվել է 300-ից 400 փաստաթուղթ։