Սա հայկական իրականությունն է՝ մենք Էջմիածնում ստիպված ենք պաշտպանել Վեհափառին ու եկեղեցին. Սաղաթելյան

«Մենք չենք միջամտում եկեղեցու ներքին գործերին, թուրքերից ու թշնամիներից, սադրիչներից պաշտպանում ենք Հայ Առաքելական սուրբ եկեղեցին»,- Մայր Աթոռի բակում լրագրողների հետ զրույցում ասաց  ԱԺ «Հայաստան» խմբակցության պատգամավոր, ՀՅԴ ԳՄ ներկայացուցիչ Իշխան Սաղաթելյանը։ 

Նա նշեց, որ իրենք  պաշտպանելու են եկեղեցին մինչև վերջ. «Կանգնելու ենք այսպես ու պաշտպանելու ենք, թույլ չենք տա սադրիչներին հարձակվել, թիրախավորել մեր եկեղեցին»։ 

«Սա հայ ժողովորդի ամոթն է։ Իհարկե, պառկատում են, բայց այս գիծը քաշում է  Նիկոլը, իսկ մենք պետք է պահենք մեր եկեղեցին, ուրիշ տարբերակ չունենք։ Դժբախատաբար, սա հայկական իրականությունն է՝ մենք Էջմիածնում ստիպված ենք պաշտպանել Վեհափառին ու եկեղեցին»,- ասաց Ի. Սաղաթելյանը։ 

Նա համոզված է՝ իշխանությունը եկեղեցու դեմ պայքարում հաջողության չի հասնելու, ընդհանրապես բոլոր նրանք, ովքեր եկեղեցու դեմ են դուրս եկել։