Հիվանդները պահք պահե՞ն, թե՞ ոչ

Հիվանդները պահք պահե՞ն, թե՞ ոչ։  Այս հարցին պատասխանում է Մայր Աթոռ Սուրբ Էջմիածնի Քրիստոնեական դաստիարակության կենտրոնի տնօրեն Տ․ Զաքարիա ծայրագույն վարդապետ Բաղումյանը.

«Այս հարցում նախ և առաջ անպայման խորհրդակցենք բժշկի հետ։

Մեծ պահքի նպատակը ոչ թե մարդու առողջությանը վնաս հասցնելն է, այլ պահպանելն ու ավելի բարելավելը։ Բնականաբար, պահքը հակացուցված է  այնպիսի հիվանդությունների դեպքում, ինչպիսին է շաքարային դիաբետը, ստամոքսի հետ կապված զանազան հիվանդություններ։

Հասկանալի է, որ պահքը չի պահանջվում նաև հղիներից, բայց պահքը կարող է օգտակար լինել ավելորդ քաշ, խոլեստերին ունեցող մարդկանց համար։

Մի մոռացեք, որ պահքը պետքը է  ուղեկցվի անպայման Սուրբ գրքի ընթերցանությամբ, աղոթքով ու ապաշխարհությամբ»։ 

Հիշեցնենք, որ փետրվարի 15-ից  մեկնարկել է  է Մեծ Պահքի շրջանը, որը տևում է 48 օր` Բուն Բարեկենդանից մինչև Ս. Հարության (Զատկի) տոնի նախօրեն: Պահքի շրջանում օգտագործում են բացառապես բուսական ծագում ունեցող սննդամթերք:

Նշենք, որ Հիսուս Քրիստոսի հրաշափառ Հարության տոնն այս տարի կնշվի ապրիլի 5-ին։