Կոբախիձե. Սաակաշվիլու կուսակցությունն արգելելու համար ՍԴ դատական հայցը պատրաստ է

Վրաստանի նախկին նախագահ Միխեիլ Սաակաշվիլիի «Միացյալ ազգային շարժում» կուսակցությունը հակասահմանադրական ճանաչելու վերաբերյալ Վրաստանի Սահմանադրական դատարան ներկայացվելիք հայցը պատրաստ կլինի մի քանի օրից։ Այդ մասին երեքշաբթի օրը հայտարարել է Վրաստանի վարչապետ Իրակլի Կոբախիձեն։

«Հայցը պատրաստ կլինի մի քանի օրից։ Այս հայցը կներկայացվի Վրաստանի Սահմանադրական դատարան։ Մեր երկրին խաղաղություն է պետք. կարևոր է կատարելագործել ժողովրդավարական համակարգը։ Այս սահմանադրական հայցը ծառայում է հենց այդ նպատակին։ Դուք գիտեք, որ այսօր մեր քաղաքական համակարգում կան քաղաքական կուսակցություններ, որոնք անընդհատ ուղղված են ոչնչացմանը։ Նրանց յուրաքանչյուր քայլը դեմ է ժողովրդավարական համակարգին։ Նրանք փորձում են ոչնչացնել Վրաստանում առողջ քաղաքական համակարգը, և դրա դեմ պետք է պայքարել սահմանադրական միջոցներով», -«ՌԻԱ նովոստի» -ի փոխանցմամբ լրագրողներին ասել է Կոբախիձեն։

Ավելի վաղ Վրաստանի վարչապետը հայտարարել էր, որ հայցը կներկայացվի վրացական չորս կուսակցությունների դեմ, որոնք, նրա պնդմամբ, իրականում ներկայացնում են մեկ քաղաքական ուժ՝ «Միացյալ ազգային շարժումը»։