Երևանի օրինակով պատրաստվում ենք Վաղարշապատը «Գյումրի 2» չդարձնել. Հարություն Մկրտչյան

«Գնում եմ 50+1 տոկոս քվե արձանագրելու»,- լրագրողներին ասաց Վաղարշապատ խոշորացված համայնքում համամասնական ընտրակարգով ավագանու ընտրություններում «Հանրապետություն» կուսակցության ցուցակը գլխավորող Հարություն Մկրտչյանը։

Նա նշեց, որ Երևանի օրինակով պատրաստվում են Վաղարշապատը «Գյումրի 2» չդարձնել, թույլ չտալ, որ «Գյումրի» 2 դարձնեն։

Հ. Մկրտչյանն ասաց, որ որպես այդպիսին խախտումներ չի արձանագրել,  իրավապահ մարմիններին  խնդրում պահանջում է բոլոր խախտումների ետևից գնալ, չլինել ուղղակի արձանագրող վերջին պահին, կանխարգելող դեր պետք է կատարի։