Միքայել սրբազանի բնակության հասցեում կատարվում են անհրաժեշտ քննչական և վարութային գործողություններ. ՔԿ

Այսօր վաղ առավոտից խուզարկություն է կատարվում ՀԱԵ Շիրակի թեմի առաջնորդարանում։ Քննչական կոմիտեի մամուլի խոսնակ  Կիմա Ավդալյանը Panorama.am-ին հայտնեց, որ կատարվում են անհրաժեշտ քննչական գործողություններ։

«Միքայել Աջապահյանի բնակության հասցեում կատարվում են անհրաժեշտ քննչական և վարութային գործողություններ»,- ասաց Կ. Ավդալյանը։ 

Հիշեցնենք, որ Հայ Առաքելական եկեղեցու Շիրակի թեմի առաջնորդ Միքայել արքեպիսկոպոս Աջապահյանի դեմ քրեական վարույթ է նախաձեռնվել։

Գլխավոր դատախազությունից  Panorama.am-ին հայտնել էին. «2025 թվականի հունիսի 17-ին նախաձեռնվել է քրեական վարույթ՝ Քրեական օրենսգրքի 422-րդ հոդվածի 2-րդ մասով (իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերը)»։