Այն համակարգային, քաղաքական կոռուպցիան, որ այսօր կա բարձրագույն կրթության ոլորտում, երբևէ չի եղել. Ցոլակ Ակոպյան

«Այն կոռուպցիա, որ այսօր կա բարձրագույն կրթության ոլորոտում, այն համակարգային, քաղաքական կոռուպցիան  որ այսօր լցված է բուհերում, երբևէ չի եղել»,-AntiCor հակակոռուպցիոն հարթակի կազմակերպած կոռուպցիայի կանխարգելման թեմայով աշխատաժողովի ժամանակ Panorama.am-ի հետ զրույցում ասաց  Վ.Բրյուսովի անվան պետական  համալսարանի նախկին պրոռեկտոր Ցոլակ Ակոպյանը։

Որպես օրինակ նշեց. «Մարդն ընտրվում է օրինական, Հոգաբարձուների խորհրդի նիստով ռեկտոր, Հոգաբարձուների խորհրդի անդմաներին ճնշում են նախարարության աշխատակիցների կողմից, կանչում են նախարարություն, ստիպում դուրս գալ Հոգաբարձուների խորհրդի կազմից, լուծարում են խորհուրդը և Հիմնադրամների մասին օրենքի համաձայն ձևավորվում է  երեք հոգանոց խորհուրդ և իրենց ուզած, մրցույթով չընտրված մարդուն նշանակում են  ռեկտոր, սա քաղաքական կոռուպցիայի տիպիկ դրսևորում է, ինչը մի քանի բուհերում կիրառել են»։

Ց.Ակոբյանն ընդգծեց, որ կրթության համակարգում առկա կոռուպցիան է բերում կոռուպցիոն դրսևորումներ այլ համակարգում։

Մանրամասն՝ տեսանյութում։